Камы гарохавыя

Гэта даўняя традыцыйная славянская страва, падобная да фалафеляў
Блізкага Ўсходу. Шарыкі з моцна разваранага гароху, са спецыямі і
іншымі дадаткамі, якія запякаюць або смажаць у вялікай колькасці
тлушчу. Кажуць быццам некалі існавала нават адмысловае свята -
Камаедзіца, прымеркаванае да веснавога абуджэння мядзведзя. На якім
камы выступалі ў якасці сімвалічнай ахвяры гэтай грознай татэмнай
жывёле. А яшчэ была такая прыказка: "Каму па каму, а мне - два камы",
як нараканне на цяжкую долю, поўную непрыемнасцяў праз меру.

Болей пра камы можна прачытаць у нарысе гаспадара сядзібы Алеся
Белага, вядомага таксама пад псеўданімам Кухмістр Верашчака:

http://budzma.by/column/nasha-strava-2/belaruskaya-kuxnya-dlya-prafesijnyx-kuxarau-kamy.html